مطلوب فورا !!!

تعلن شركة رعيان الحاره عن حاجتها لراعي بمنطقة عين الضبع
يشترط على المتقدم للوظيفه ان يكون بالمؤهلات التاليه
- حاصل على لقب جامعي بالعلوم السياسه .. أفضليه لحاملي الدكتوراه
- صاحب خبره مسبقه في مجال ميكانيكا السيارات وفك مواتير قطارات
- أن يكون تحت جيل الخامسه عشر
- خدمة عسكريه في الجيش الروسي
أن يكون مفلس ماديه وما في بجيبته 10 شيكل
- يجب أن يتقن اللغه اليابانيه قراءة وكتابه وان يتحدثها بطلاقه تامه

ملاحظه -
العمل بوظيفه جزئيه تطوعيه .. خدمة للناس والوطن

الرجاء الاتصال على -
أبو دنيا المنفلوطي – 087559886422188742516
بريد الكتروني – i _love_sheep@hotsheep.com

تفضلي جارتنا

حضرات المستمعات والمشاهدين عبر اذاعه صحيفة  صوت الحق والنفاق .. اليوم حكايتنا كالتالي -

يا فتاح يا عليم يا رزاق يا كريم !! ام حسييييييييين  !! وين رحتي ؟؟؟؟
فتش على ام حسين يا ابو سامر … ! على فكره ابو سامر بكون جوزها لام حسين  .. والمصيبه انه ما اجاهن اولاد..
على كل .. دور وفتش وبحبش .. وين اختفت ام حسين  ؟؟ اذا بعدها ما وقعت عن الدرج معناتو ما في غير محل واحد ! عند جارتها ام سليمان .. طبعا مرته لأبو يعقوب
وقهوة الصبح ما بتحلى غير بــــ ” سمعتي شو صار بفاطمه ؟؟؟؟؟ طلقها جوزها الخامس !! “
” لاااااااا .. شو هالحكي .. بس والله الصبيه صارت كبيره بالعمر .. 16 سنه ! مين بدون يتجوزها اسا ؟؟ “
واكتب يا حامل القلم عالاكتاف .. اكتب وسجل .. والعداد ماشي ومين يزيد
على كل صباحيه ومع فنجان القهوه … نفسي افهم شو بيعملو بكولمبيا وشو بيسقو القهوه ؟؟؟؟ شو عم يزرعوها على أرض شيطانيه مأبلسه ؟؟  وهاد الحال يا اعزائي
حدا عنده حل ؟؟
معناته خليلكو اياه .. فيو وبلاه فش نتيجه

سلامي لكم

طقطقه عالماشي

اخر ايام الشتويه …….. !
صارت تتعرى الصبيه …. !
وصلت عشط ال مالو حدوود …
ونسيت عاداتا العربيه

<<————

تهنئه

تهنئه الى الامه العربيه والاسلاميه بمناسبة حلول عيد سيدنا فالنتاين .. أعاده الله علينا وعليكم بالهبل والجهل وقلة العقول
من راديو أبصر اف ام .. ومعنا على الخط السيد : مجنون قليل عقل  , من شاعر منشه

مجنون : بوجه سلامي لبنتي دعاء .. وبحب اطمنها اني بألف خير وصحه وهضامه , وعبر اثير اذاعتكو بدي اقولها  ليش هيك يابا ما عاد طليتي علي ؟؟؟ وين طبخة الخبيزه اللي موصيكي عليها من 15 سنه ؟؟؟ بس رغم هيك يا بنيتي مش عتبان عليكي .. عتبان عالفالنتاين اللي أخذك مني , عشقانه يابا .. وحبيبك نساكي ابوكي .. وامك ماتت قهر لما شافت ضمة ورد على باب البيت وفكرتها الها منك … طلعت محجوزه لحبيب القلب

يا بنتي الدنيا ان دامت .. ما دامت لبشر …
يا قرة عيني .. اعملي وفكري بيوم الحشر ..

أنا اليوم معك .. بكره ..في حضن القدر..

أناركم الله بقلة العقول يا بني ادم .. والسلام

بطاقة شخصيه !

المهم خلينا نعرفكو على حضرتنا .. طز .. طزين .. تلاته

انا  كاتب بدون رخصه , مرخص من قبل وزارة الاحذية المقطعه في ولاية شمال شرق الموقع , مش راح أقول عطشان .. البراد مليان قناني 2 لتر .. ولا راح أقول جوعان .. خسى الجوع ! بس شوية قرفان لانه لسه ما عرفت كيف اكبر خط الكتابه هون …  الشغله مش معقده كيف بعرف .. بس بعيد عنكو قليل خواص
عمري  – شي كم سنه من يوم ما خلقت لحد الان , ما علمونا الحساب للأسف .. بس علمونا نعمل قبل ما نحسب ونفكر
جربت احسب عمري على اصابع اجري وايدي .. بس طلع ناقصني أربع أصابع .. مين يقرضني كم أصبع ؟؟
المهم .. عن شو بيحكي موقعنا الكريم ؟؟
كله !! بدكو سياسه .. كناسه .. لباقه .. وقاحه .. مجتمع .. مرتقع .. كله بكله يابا .. حملة اخر الموسم

وهي صورة حضرتنا

بتمنالكو قضاء يوم معطر .. مش بريحة اجري بس

aaa

sdkjkljs

من أين لك هذا

شو هالحلو ياااا …
شو هالـ ” جوف ” الحلو .. !
قمر ولا بشر ؟
في منك على جوز الهند ؟؟
شو هالطعجه الحلوه !!

اي فكو عني وعن هالامه التعبانه ! شو ما بتشتغلو ؟ ما بتروحو مدارس ؟؟ ما عندكو بيوت تنضبو فيها ؟
نزلت الصبيه عالمشبير .. شافها حسين ! هوووووب .. ضرب تلفون لعادل  , هوووووب ! ضرب تلفون لأيمن
- عااادل وينك ؟؟ الحق !! في صبيه فاتت عالمشبير .. لابسه تنوره 15 سم !ا بستناك على باب المشبير .. لا تهكل هم ! مراقب الوضع تمام .. مش راح تفلت من ايدي ولا من عيني
بتطلع الصبيه .. والاخوان واقفين باب المشبير .. أكيد مش حاملين مسبحه ولا عم يرددو دعاء السفر !
زتو الكلمه الاولى .. ما عبرتهن .. لحقوها بالتانيه .. عادل أكل بزقه على وجهه .. ! صار يسب ويصرخ – ” يا بنت الـــ …  ! على شو شايفه حالك ؟؟؟ “  ويا سيدنا العزيز .. الشارع مليان عالم وناس من ما هب ودب ! والكل عم يتفرج
واحد عم يقول = استغفر الله .. وواحد = لا حول ولا قوة الا .. والباقي متفرج كريم …!
شو يا عمري ؟؟ مسرحية شاهد مشفش حاجه ؟؟؟؟؟
ولا ابن حرام ولا ابن حلال تدخل .. ما حدا قال عيب عليكو .. ما حدا قال استحو على حالكو … عالاقل يكون مشجعين
شو يظهر ما في موقف محدد .. لا معاك ولا ضدك .. الكل صار  زومبي.

خلصت القضيه ورحلت الصبيه ..
ونفس القصه من بكره وعشيه
عالم وناس بتردد نفس الخبريه
بلوزه كات وتنوره ميني بنيه
——————————————–

والسلام ختام

وربحنا يا امي !!

حابين تعرفو لمين انا صوتت ؟؟؟
لك مو على عيني ! اليوم لبست كندرة لونها ابيض وبنطلون أسود قمحي على لون بلوزتي الزرقا
فتت عند الصندوق .. فتت جوا الستار وعينك تشوووووف .. ما بدي أطلع ! شوبدي احكيلكو تني احكيلكو ؟؟
انحولت من كترة الاوراق اللي جوا .. هلأ كل الاخوان اللي جوا واللي اساميهن عالورق بدهن مصلحة الوطن ؟ انا رايي بدهن مصلحة البطن !
طلعت مع المغلف .. ورحت عالصندوق .. اول محاوله .. التانيه .. التالته .. ما بدو يفوووووووت .. ما حدا يفهمني غلط
بس وحياة امي وامك جربت افوتو !! حتى كمان اولاد الحلال ساعدوني وصارو يدفشو معي لجوا .. بس كمان ما فات ..  بالمنيح بالعاطل ما فات ! طيب هلقد صوتي مهم لحتى الكل قال – لبيك لبيك !! وركضو يساعدوني

تذكرت بالاخر انه قبل ما فوت الغرفه انا كنت واعد الكل اصوتلهن .. والكل مفكر صوتي لجماعتو ولهيك عم ينطو واحد ورا التاني…
ولحتى ما افشل حدا .. اخذت من كل بستان زهره ! وعبيت المغلف من ما لذ وطاب من الاوراق ..
الاشي اللي مخوفني .. انه بعد ما يفرزو الاصوات .. يمكن الجماعه يذبحو بعض عشان صوتي
اذا كان ولا بد .. كل واحد يلحس شوي منه !

حبيبي انتا وروحي انتاااااااااا

شو عيوني ؟ ما معك مصاري كفايه تكملي النص التاني للفستان ؟
وليش هيك كتفك عامل مطار دبي ؟ شو يظهر حركة الطيران عم بتزيد عليه
وظهرك مكشوف وعامل فيها ساحل العاج .. وصحراء الربع الخاليِ ! نشفتي ريقي الله يجيبك عندي

الله يستر عليكو حبيباتي

محاوله شعريه ..

يا ويلي منك يا ويلي ..
خربتي بيتي ويا عيني
بدك أحمل البيبي ؟
لا ما حزرتي حبيبي
لابسه مطقع ومبرقع
وعامله كوندوليسا بايس
مع انه الفستان كتييير نايس
بس مو لابتقلك يا وجه الماوس

لا تاخذونا صبايا .. يظهر ناقصني فيتامين ع   …… عقل

برقية تعزيه

انتقل الى رحمة الله تعالى عقلي

وستشيع أفكاره من رأسي الواقع بين أكتافي الى مثواه الاخير في الهواء الطلق
لا أشغلكم الله تفكيرا بعقل ..
انا للعقل وانا منه لهاربين

طبخة بتوكلو اصابيعكو وراها

طريقة تحضير الوطنيه بالصينيه والباميه المصريه

المقادير -
4 شعرات من راس حسني كندرة مبارك الله يكسره
كيلو تواطؤ من عمان الاردن .. تحديدا القصر الملكي .. ربنا يهده
رشة دولارات من ال سعود بالمملكه الامريــسعوديه

التحضير -
هو الصراحه كل واحد حسب زوقو .. بدك حسني في حسني .. ! بدك اردن على راحتك .. ! بدك سعود .. على كيف كيفك  . ! المهم بتخلط الكل مع بعضو .. مش بحاجه تعقم الطنجره .. عالوسخ بنفع كمان ! لانه طعم الاكله اوسخ شوي
بالاخر بعد اللف والدوران .. والخلط والجنان .. بتطلع عندك طبخة وطنيه عربيه على الطريقه العصريه

ريته صحه وهنا !!!

شخبط شخابيط

عن نانسي بنت عجرم كثر الله حضورها .. قالت : – ” شخبط شخابيط , لخبط لخابيط .. “

والباقي بيعرفو كبيرنا وصغيرنا !

المهم لازم كلنا نسمع كلمة الحاجه نانسي ونصير نشخبط ونلخبط .. يعني اللي لسه عندو شوية عقل باقيين من أيام الانتداب البريطاني خليه يبلش يشخبط !!! لانه .. مش حلوه بحقه يكون عندو توالي عقل والباقي فايت بــ .. مينوس من ناحيه عقليه ومخيه .. لا لا مش حلوه بحقه ! بتزعل منه نانسي بعدين ..

وردنا النبأ التالي !!

سمعتو شو صااااااااار ؟؟؟؟؟؟؟

لأ ؟

ولا انا … لسا ما سمعت .. بس يوصلكو الخبر ابقو خبريني ! لانه الصراحه اخر مره قريت جريده كان بعدها بلون اصفر .. متل اللى منقوعه بزيت خروب
هيي الحياه كلها منقوعه .. بس مش بزيت خروب ! باشي تاني .. واللبيب من الاشارة يفهم

تفضلو عالعشا حبايب قلبي !

ولكو يا ميت اهلا وسهلا ومرحبا .. زمان ومده على هالعده
المهم .. عازمكو على طبخة نذاله بايته من كم سنه .. كانت  بالبراد ومسخنه ..   عند حبيب قلبي وصاحبي الملك المبجل عبدالله الثاني .. معكو حق تقولو والضراطه
مع ستين صرماي كمان .. فيي وفيو , وحده ورا التانيه

بشوفكو كمان يومين .. عشان العزايم كتيره هالفتره .. ادعولي ! راجع بمعاهدة كلام